Sa pagsusulong ng Konsulada Henral ng Pilipinas sa lunsod Guangzhou, lalawigang Guangdong, timog ng Tsina, isang gabi ng pagtatanghal na nagtatampok sa matitimyas na musika ang inihandog ng tanyag na piyanistyang Pilipino na si Maestro Raul Sunico, para sa lahat ng kaibigang Tsino, miyembro ng diplomatikong komunidad, at mga Pilipinong nagtatrabaho at naninirahan sa lunsod, Hunyo 17, 2025.

Iric Cruz Arribas

Ayon kay Iric Cruz Arribas, Konsul Heneral ng Pilipinas sa Guangzhou, ang konsiyerto ay isa sa mga tampok na pagdiriwang para sa Ika-127 Araw ng Kalayaan ng Pilipinas at Ika-50 Anibersaryo ng Pormal na Diplomatikong Ugnayan ng Pilipinas at Tsina.

Ito rin ay selebrasyon para sa patuloy na lumalalim, lumalawak, at bumubuting potensyal ng pagkakaibigang Pilipino-Sino, aniya pa.

Maestro Raul Sunico

Konsiyerto ng pagkakaibigan

Ani Arribas, bukod kay Sunico, isang batang piyanistang Tsino, na si Hao Rao, ang magtatanghal din upang maihandog ang isang gabi ng musikang mula sa perspektibo ng isang Pilipino at Tsino – angkop na kilos na sumasalamin sa pagkakaibigan at kooperasyon na pinangangalagaan ng Pilipinas at Tsina sa nakalipas na 50 taon.

Maestro Raul Sunico, habang nagtatanghal

Hao Rao, habang nagtatanghal

Samantala, kabilang sa mga itinanghal ay mga klasikong piyesang Pilipino, Tsino, at internasyonal, na nagsisilbing musikal na simbolo ng pagkakaibigan.

Listahan ng mga piyesang itinanghal

“Ang musika ay wika ng damdamin at pagkakaunawaan. Sa kanilang pagtutugtog, isinalarawan nila ang pagkakaisa ng dalawang kultura,” ayon sa konsul heneral.

Ipinahayag naman ni Maestro Sunico, na ikinagagalak niya ang pagpunta sa Tsina, para tumugtog sa pagdiriwang ng Ika-127 Araw ng Kalayaan ng Pilipinas at Ika-50 Anibersaryo ng Pormal na Diplomatikong Ugnayan ng Pilipinas at Tsina.

“Nagsimula akong tumugtog sa lunsod Beijing, sumunod sa lunsod Chongqing at nandito ako ngayon sa lunsod Guangzhou,” hayag niya.

Kaugnay nito, sinabi ni Sunico na pumili siya ng mga piyesang ginawa ng mga kompositor na Pilipino at Tsino para sa konsiyerto.

Ang musika aniya ay unibersal at naiintindihan ng lahat ng mga mamamayan ng mundo, kaya naman sa loob ng mahabang panahon, lagi niyang inilalagay sa kanyang pagtugtog ang kakaibang lasa ng musikang Pilipino.

“Ikinagagalak kong makatulong sa inisyatiba ng diplomasyang pangkultura ng Pilipinas. Sa maliit kong paraan, mag-aambag ako para sa layuning ito, hindi lang para ipakilala ang musika natin sa iba’t-ibang panig ng mundo, kundi para na rin magkaroon ng pagpapabuti ng relasyon sa pagitan ng mga Pilipino at Tsino, at iba pang bansa,” hayag ng maestro.

Mula sa kaliwa: Deng Changxiong, Deputy Director General, Foreign Affairs Office, People’s Municipal Government ng Guangzhou, Iric Cruz Arribas, at Qian Hongjie, Deputy Director General, Foreign Affairs Office, People’s Government ng Guangdong

Mga dumalo

Mga opisyal at miyembro ng Konsulada Heneral ng Pilipinas sa Guangzhou at Philippine Investment and Trade Center – Guangzhou

“Chi FUN Le:” diplomasyang gastronomiko

Isa pang mahalagang bahagi ng selebrasyon ay ang “Chi FUN Le!”— kauna-unahang Filipino Food Festival sa Shangri-La Guangzhou, na nagsimula noong Hunyo 7 at nagtapos Hunyo 15.

Sa likod ng katuwa-tuwang pamagat na hango sa wikang Tsinong “chi fan le,” na nangangahulugang “kain na tayo,” ginawa itong “Chi FUN Le!” para ipakilala at itaguyod ang pagkaing Pilipino sa mga Tsino at internasyonal na merkado.

Poster ni Chef Hernan Chris de Jesus sa Shangri-La Guangzhou

Sa pangunguna ni Chef Hernan Chris de Jesus, tampok sa pestibal ang mga klasikong putaheng tulad ng kalderetang baka, kare-kare, inasal, kilawing tuna, lumpiang shanghai, sisig, leche flan, buko pandan, at iba pa.

Ang mga pagkaing ito ay pinili hindi lamang batay sa kasikatan kundi pati na rin sa potensyal na matatanggap ng panlasa ng mga Tsino.

Binigyang-diin ni de Jesus, na “ang pagkain ay hindi lamang sustansya—ito ay kasaysayan, kultura, at kuwento. Sa bawat subo ng kare-kare o leche flan, ipinapakilala natin ang ating bayan.”

Bukod sa pagkain, isinasalarawan din ng presentasyon ng bawat putahe ang kasiningan at panlasa ng kulturang Pilipino, aniya.

Ayon naman kay Konsul Heneral Arribas, ang pestibal ng pagkain ay hindi lamang isahang pagtatanghal, layunin din nitong ilagay ang ilang putaheng Pilipino sa mga regular na menu ng malalaking hotel sa dakong timog ng Tsina.

“Kaya’t inaasahan nating mailalagay na sa regular na menu ng Southeast Asian Restaurant ang ilan sa mga putaheng itinuro sa kanila ni Chef Hernan Chris de Jesus,” aniya pa.

Sinigang

Kilawing tuna

Pinakbet

Inasal na manok

Kare-kare

Crispy pata

Buko pandan at leche flan

Papel ng mga Pilipino sa Guangzhou

Binigyang-diin din ng konsul heneral ang mahalagang papel ng mga Pilipino sa Guangzhou bilang mga “ambassador of goodwill.”

Sa pamamagitan aniya ng kanilang sipag, husay, at malasakit, isinusulong nila araw-araw ang positibong imahe ng Pilipinas sa mga Tsino.

“Mula sa mga guro, nars, artista, inhinyero, hanggang sa mga negosyante—ang mga Pilipino ay tahimik ngunit makapangyarihang tagapagtaguyod ng pagkakaibigan,” dagdag pa niya.

Lumalalim na ugnayang panlipunan

“Isa sa pinakamahalagang tagumpay ng ugnayang Pilipino-Sino sa nakalipas na limampung taon ay ang masinsinang ugnayang panlipunan—ang pagpapalitang tao-sa-tao, na siyang pundasyon ng matatag na relasyong bilateral,” ani Arribas.

Ang mga pagbisita ng mga negosyanteng Tsino sa Pilipinas aniya ay nagbubukas ng mas maraming oportunidad sa larangan ng pamumuhunan, habang ang dumaraming bilang ng mga Pilipinong mag-aaral sa Tsina ay patunay sa lumalalim na akademikong kooperasyon.

Sa kasalukuyan, may mga programang akademiko ang ilang pamantasan sa Pilipinas at Tsina na nakatutok sa pag-aaral ng wika, agham panlipunan, negosyo, at iba pang larangan.

“Ang mga ugnayang ito ay hindi lamang pormal na kasunduan. Ito’y relasyon ng mga tao, mga guro, estudyante, artista, negosyante, at manggagawa—mga buhay na tulay ng diplomasya,” dagdag pa ng opisyal.

Ekonomiyang nakatutok sa hinaharap

Sa usaping pang-ekonomiya, binigyang-diin ng konsul heneral, na malaking pakinabang ang natatamo ng Pilipinas sa mga sektor ng agrikultura, turismo, at konstruksyon dahil sa mabuting ugnayan sa Tsina.

Ang Tsina aniya ay isa sa pinakamalaking tagapag-angkat ng mga produktong agrikultural ng Pilipinas gaya ng durian, mangga, saging, isda, at hipon.

Dagdag pa riyan, lumalago rin aniya ang pagluluwas ng Tsina ng mga mabibigat na kagamitan at pangkonstruksyong materyal patungong Pilipinas, kaya malakas ang kompiyansa ni Arribas sa hinaharap ng ugnayang ekonomiko ng dalawang bansa.

“May oportunidad para sa mas malalim na kooperasyon sa napapanibagong enerhiya, de-kuryenteng sasakyan, turismo, at matalinong agrikultura—mga larangang tugma sa mga green development goal ng parehong bansa,” hayag pa niya.

Parangal sa mga Pilipino

Kasunod ng konsiyerto, isang pagtitipon para sa mga miyembro ng Filipino community sa Guangzhou at mga karatig-lugar, ang idaraos sa Hunyo 28.

Sinabi ni Arribas, na ito ay para parangalan at bigyang-pugay ang mga kontribusyon ng overseas Filipino workers (OFWs) sa pagtataguyod ng pambansang dangal sa ibayong dagat, pagpapalakas ng pagpapalitang pangkultura’t tao-sa-tao, at relasyong Pilipino-Sino, lalo na iyong mga naisama sa proyektong Made It In China.

Ulat: Rhio Zablan at Kulas

Patnugot sa nilalaman: Jade

Patnugot sa website: Lito

Home

Balita

MPST

DLYST

Video

Komentaryo

Taunang Sesyon ng NPC at CPPCC sa 2025

Dating Website

About us

Produksyong pantelebisyon, ilulunsad ng CMG bilang paggunita sa tagumpay laban sa pananalakay ng mga Hapones at pasismo

Alyansa ng mga lunsod, inilunsad ng Beijing para palakasin ang pandaigdigang ugnayan sa ekonomiyang didyital

Pandaigdigang pagkakaisa sa development financing, ipinanawagan ng sugong Tsino sa komperensya ng UN

Eksibisyon para sa ika-80 anibersaryo ng tagumpay laban sa agresyong Hapones at pasismo, gaganapin

Para gunitain ang ika-80 anibersaryo ng tagumpay laban sa agresyong Hapones at pasismo: gala, idaraos ng Tsina

Produksyong pantelebisyon, ilulunsad ng CMG bilang paggunita sa tagumpay laban sa pananalakay ng mga Hapones at pasismo

Alyansa ng mga lunsod, inilunsad ng Beijing para palakasin ang pandaigdigang ugnayan sa ekonomiyang didyital

Pandaigdigang pagkakaisa sa development financing, ipinanawagan ng sugong Tsino sa komperensya ng UN

Eksibisyon para sa ika-80 anibersaryo ng tagumpay laban sa agresyong Hapones at pasismo, gaganapin

Para gunitain ang ika-80 anibersaryo ng tagumpay laban sa agresyong Hapones at pasismo: gala, idaraos ng Tsina

Tsina

Daigdig

ASEAN

Kasunduang narating sa pamamagitan ng pagsakripisyo sa kapakanan ng panig Tsino, tinututulan ng Tsina

Panawagan ng Tsina sa EU: itatag ang obdyektibo at rasyonal na persepsyon sa Tsina

Combat-readiness patrol sa teritoryong pandagat at panghimpapawid ng Huangyan Dao at nakapaligid na rehiyon, inorganisa ng PLA

Presidente ng European Council at Ministrong Panlabas ng Tsina, nagtagpo

Produksyong pantelebisyon, ilulunsad ng CMG bilang paggunita sa tagumpay laban sa pananalakay ng mga Hapones at pasismo

Alyansa ng mga lunsod, inilunsad ng Beijing para palakasin ang pandaigdigang ugnayan sa ekonomiyang didyital

Pandaigdigang pagkakaisa sa development financing, ipinanawagan ng sugong Tsino sa komperensya ng UN

Eksibisyon para sa ika-80 anibersaryo ng tagumpay laban sa agresyong Hapones at pasismo, gaganapin

Para gunitain ang ika-80 anibersaryo ng tagumpay laban sa agresyong Hapones at pasismo: gala, idaraos ng Tsina

Kooperasyong Sino-Europeo, ibayo pang palalakasin

Video

Harmonya ng Kalayaan at Pagkakaibigan, idinaos sa Guangzhou

Ren’ai Jiao: katotohanan sa likod ng tensyon

LEADERS TALK: Punong Ministro Lawrence Wong ng Singapore

LEADERS TALK: Presidente at CEO Roland Busch ng Siemens

LITRATONG BALITA

Produksyong pantelebisyon, ilulunsad ng CMG bilang paggunita sa tagumpay laban sa pananalakay ng mga Hapones at pasismo

Alyansa ng mga lunsod, inilunsad ng Beijing para palakasin ang pandaigdigang ugnayan sa ekonomiyang didyital

Pandaigdigang pagkakaisa sa development financing, ipinanawagan ng sugong Tsino sa komperensya ng UN

Eksibisyon para sa ika-80 anibersaryo ng tagumpay laban sa agresyong Hapones at pasismo, gaganapin

EXPLORE MORE

CHOOSE YOUR LANGUAGE

DOWNLOAD OUR APP

Our Privacy Statement & Cookie Policy